గ్రేటర్ విశాఖ ఏడో వార్డు పరిధి మీదిలాపురి హుడా కాలనీలో గల బిజెపి ఆఫీసు నందు భీమిలి నియోజకవర్గం కో కన్వీనర్ పసుపులేటి శ్రీనివాసరావు ఆధ్వర్యంలో బిజెపి పార్టీ నాయకులతో వార్డ్ స్థాయి కార్యవర్గ సమావేశం నిర్వహించారు.శుక్రవారం సాయంత్రం జరిగిన ఈ కార్యక్రమానికి ముఖ్య అతిథులుగా విశాఖపట్నం బిజెపి పార్టీ పార్లమెంట్ కమిటీ కన్వీనర్ సరిపల్లి రామ్మోహన్ రావు పాల్గొన్నారు. ఈ సందర్భంగా రామ్మోహన్ రావు వార్డు స్థాయి నాయకులను ఉద్దేశించి మాట్లాడుతూ దేశంలో ప్రధాని నరేంద్ర మోడీ ఆధ్వర్యంలో మూడోసారి ప్రభుత్వం ఏర్పడిన సందర్భంగా ప్రతి ఒక్క నాయకుడు ప్రజా సమస్యలను గుర్తించి ఆ సమస్యలు పరిష్కరించేందుకు ముందు ఉండవలసిన బాధ్యత మన అందరి పైన ఉందని అన్నారు. ప్రజా సమస్యల పరిష్కారంతోనే పార్టీకి, వార్డు స్థాయి నాయకులకు గుర్తింపు పెరుగుతుందని అన్నారు. అనంతరం శ్రీనివాసరావు మాట్లాడుతూ వార్డులో ఉన్న సమస్యలు తన దృష్టికి తీసుకువస్తే ఆ సమస్య పరిష్కారం అయ్యేవరకు మీతో అండగా ఉంటానని అన్నారు. ఈ కార్యక్రమంలో మరు వాడ ఉద భాస్కర్, ఎండ్. అప్పారావు, ఎస్.తిరుపతి రావు, పి. శంకర్రావు, ఆర్.లక్ష్మీనారాయణ, దుర్గాసిరాము, పసుపులేటి శివకుమార్,రమ్య తదితరులు పాల్గొన్నారు.
